اخبارلائم لائٹ

سنجے دت کی نئی تصویر نے مداحوں کو تشویش میں مبتلا کردیا

بالی وڈ اداکار سنجے دت کی نئی تصویر نے مداحوں کو ان کی صحت کے حوالے سے تشویش میں مبتلا کردیا۔

گزشتہ دنوں سنجو باباکے نام سے مشہور اداکار سنجے دت میں پھیپھڑوں کے کینس کی تشخیص ہوئی تھی جس کے بعد سے ان کا علاج جاری ہے۔

سنجے دت کی ممبئی میں کیموتھراپی ہوئی تھی جس کے بعد وہ بچوں سے ملنے دبئی چلے گئے تھے تاہم اب دوسری بار کیمو تھراپی کےلیے ممبئی واپس آئے ہیں۔

سنجو بابا کی ایک خاتون مداح کے ساتھ لی گئی تصویر سوشل میڈیا پر تیزی سے وائرل ہورہی ہے۔

ان کی نئی تصویر نے مداحوں کو پریشان کردیا ہے اور وہ اُس تصویر میں انتہائی کمزور نظر آرہے ہیں۔

تصویر وائرل ہونے کے بعد سوشل میڈیا پر مداحوں نے ان کی جلد صحتیابی اور نیک تمناؤں کا اظہار کیا ہے۔

خیال رہے کہ بالی وڈ اداکار کینسر کے باوجود کئی فلموں کی شوٹنگ کررہے ہیں اور سائن کیے گئے پروجیکٹ ختم کرکے یکسوئی سے اپنا علاج کرانا چاہ رہے ہیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button